............. إلى كل مستخدم جديد للكمبيوتر....معلومات روعة

السلام عليكم ورحمة الله وبركاته


الموضوع يعرّف المستخدم بـ :

1- كيف يعرف مواصفات جهازه

2- كيف يخلي جهازه سريع التشغيل (الستارت اب )

3-كيف يحذف الملفات المؤقته واللي تثقل على الجهاز

4- كيف ممكن يغير صورة الجهاز ( في خصائص جهاز الكمبيوتر )

5- كيف يتصرف اذا علّق عليه الجهاز

7-كيف يخفي ملفاته الشخصيه بطريقه تُعجز الغير عن كشفها

8- معلومات خفيفه ومنوعه

طبعا كل الشرح راح يكون بكلام وصور ... وبفيديو لعيون الاقلاع

الفيديو بيرفق في الموضوع على شكل ملف مضغوط مساحته ماتتجاوز 2 ميقا .. وبعد فك الضغط يصير حجمه 19 ميقا

.................................................. .................................................. .................................................. ....

Dxdiag

امر الــ Dxdiag يعرفك على مواصفات جهازك ونوع نظام التشغيل ( 99% ونيدوز ) وكل شي عن جهازك

لتجربة هالامر ... رح لــ :

start ابدأ

run تشغيل

واكتب في المربع الامر نفسه dxdiag

بتطلع لك مواصفات جهازك كامله زي ماتشوفون بالصوره



وشرح الطريقه اللي ذكرتها بالفيديو تلقونه هنا

.................................................. .................................................. .................................................. ......................

startup

طبعاً كل واحد منكم حاشي جهازه برامج الين بدى يتاغر

هذي تأثر بقوه على سرعه تشغيل الجهاز وبعض البرامج يدف نفسه ضمن الستارت اب

الستارت اب يعني .. البرامج اللي تشتغل اوتوماتيك مع بداية تشغيل الجهاز وبكذا يصير ثقيل

وعلشان تدخلون على هالبرامج وتختارون اللي تبونه يشتغل ...

لتجربة هالامر ...:

start ابدأ

run تشغيل

اكتب في المربع msconfig

وراح تطلع لك صفحه .. انت اختار كلمة ستارت اب من فوق ( علامات التبويب ) مثل اللي ظاهر بالصوره




طبعا لو تلاحظون تشوفون انها حروف مو مفهومه ... يعني اختصارات

طيب كيف تعرف انه هالبرنامج لازم يشتغل مع بداية التشغيل والا لا ؟

الماسنجر لازم يشتغل مع بداية الجهاز ؟؟ طبعاً لا لانك اذا بغيت تدخل الماسنجر انت بتشغله ... اذاً هذا من البرامج اللي تحذف من الستارت اب

طيب وكيف تعرف اسم البرنامج مع هاللخبطه ؟

تلقى الامتداد مكتوب فيه اسم البرنامج كامل ... وبالفيديو كل شي يصير واضح ... للتحميل من هنا

.................................................. .................................................. .................................................. .....................

prefetch

نوع من الملفات مدري وش تبي ... مسويه قلق على الفاضي

ومسحها مفيد ورايق ويخفف على الجهاز

طريقة مسحها سهله بالحيل

start ابدأ

run تشغيل

اكتب في المربع اللي راح يطلع prefetch

علطول راح يفتح لك folder مليان ملفات مالامها داعي

اللي عليك انك تسوي تحديد الكل ... وبعدها حذف

وبرضو لها شرح فيديو هنا

.................................................. .................................................. .................................................. .....................

oemlogo

تخبرون الصوره اللي تطلع في خصائص الكمبيوتر .... زي ماتشوفون ..




تبون تغيرونها اكيد ... وكل واحد يبي يرز صورته

اول شي ... افتح الفوتوشوب

واختر الصوره اللي تبيها

وغير حجمها الي 100 بيكسل

احفظها بـ إسم oemlogo والفورمات او الامتداد يكون bmb

ورح للصوره بعد الحفظ .. لتكن في سطح المكتب ... واعمل لها قص

بعدها افتح جهاز الكمبيوتر .... بعدها الــ C ... بعدها Windows بعدها system32 ..

اذا فتحت السيستيم 32 ... اضغط لصق ... وبعدها تصير صورة جهازك

وشرح الطريقه بالفيديو ... من هنا

.................................................. .................................................. .................................................. .....................

CTRL + ALT + DEL

اكيد كلكم تعرفون هالحركه ... اذا هنّق الجهاز وصار درج ... نضغط هالـ ثلاث ازرار ويطلع لنا هالمربع




ونضلل موقع الاقلاع ونضغط end task

بس مرات مايجيب نتيجه اذا سوينا كذا ... فيه طريقه احسن بس لازم تكون حذر فيها شوي

شفت الصوره اللي فوق ...مكتوب فوق process اضغط عليها وراح يطلع لك زي كذا



اختر اسم الشي اللي مسوي لك قلق ... واضغط end راح يطلع لك تحذير انه راح تصير مشكله

قل له : مهوب شغلك

وبكذا تفك نفسك من التعليق بطريقه اسرع من اللي بالصوره الاولى

.................................................. .................................................. .................................................. ..................

اخفاء الملفات

طبعا كلكم عندكم ملفات سريه وشخصيه واكيد ماتحبون احد يطلع عليها

وكلكم تعرفون الطريقه القديمه لاخفاء الملفات .. اللي هي

تروح للملف اللي تبي تخفيه ... وتضغط عليه بالزر اليمين ... وبعدها خصائص ... وبعدها مخفي .. ..

وسويت اخفاء للملفات من خصائص الملفات ... بس برضو اي واحد يقدر يشوفها

اول شي ...لاخفاء الملفات ... اتبع الطريقه هذي

طبعا طريقة اخفاء الملفات المخفيه من الخصائص تكون بالطريقه هذي

افتح اي ملف

اضغط ادوات

خيارات الملفات

عرض

عدم اظهارا لملفات المخفيه

وبكذا تصير مخفيه

طيب لو بغيت تظهرها مره ثانيه ... تروح لــ ادوات .. وفجأه مالقيت خيارات المجلد .. وش بتسوي

هذي الحركه الجديده

كيف تخفي (خيارات المجلد) بحيث انه غيرك مايقدر يظهر الملفات المخفيه الا اذا كان يفت كمبيوتر

لتطبيق هالعمليه ... :

start ابدأ

run تشغيل

اكتب في المربع regedit للمعلوميه ... الامر هذا خطر اذا صرت مدربي راسك وماتدري وش السالفه .. يعني ركز معي

وبعدها اتبع الفيديو هذا لانه واضح تماماً

تلاحظ في الفيديو غيرت القيمه مرتين ... اللي راح تلقونها 0 ... حطوها 1 وخلاص

بترجعون زي اول ... سو نفس الحركه وغير القيمه الي 0 وراح يرجع كل شي زي ماكان

واذا نفذت كل شي تمام ... سو ريستارت وسلم لي على الفولدر اوبشن

.................................................. .................................................. .................................................. ......................

معلومه مدري وش تبي ...

اذا خرب عند الكيبورد وتوهقت تبي ترد على موضوع والا تبي تكتب موضوع مهم .. ومافيك حيل تروح تشري لك واحد

جرب الكيبورد اللي بالشاشه

رح لــ :

start ابدأ

run تشغيل

اكتب في المربع osk وشف الكيبورد اللي يفزع لك في وقت الزنقات