علــوم و تقنيــات
’، نحن سعداء بتشريفك لمنتدانا
’,، فأهلاً بك عطْراً فوَّاحاً ينثرُ شذاه في كلِّ الأَرجاء ,’،
,’، وأهلاً بك قلماً راقياً وفكراً واعياً نشتاقُ لنزفه ’,،
’,، وكلنا أملٌ بأن تجد هنا ,’،
,’، مايسعدك ويطَيِّب خاطرك ’,،
المدونة الخاصة بالموقع من هنا www.arabes1.blogspot.com


علوم وتقنيات،دروس و خبرات فى شتى مـجالات المعلوماتية واحدث التكنلوجيا، برامج، تقنيه، ترفيه، فايسبوك
 
الرئيسيةبوابة المنتدى*س .و .جبحـثالتسجيلدخول

شاطر | 
 

 إلى كل الشباب الجزائري لكم مني مايلي .....

اذهب الى الأسفل 
كاتب الموضوعرسالة
rahimo
مدير
مدير
avatar

البـلـد : الجــزائـــر
القوس
عدد المساهمات : 1350
نقاط : 8056
السٌّمعَة : 3
تاريخ التسجيل : 10/04/2009
العمر : 32
المزاج : كيفما توحبون

مُساهمةموضوع: إلى كل الشباب الجزائري لكم مني مايلي .....   الأربعاء 7 يوليو - 16:55

تحية عطرة إلى كل الشباب الجزائري رجالا و نساءا ....تحية لكل والديكم أمهاتكم و أبائكم .....الدين سهروا عليكم و يتألمون للنظرة إليكم و أنتم على هاته الحالة .....
إخواني أخواتي ....
محدثكم مثلكم تماما له نفس أحلامكم و تطلعاتكم محب لبلده و كاره لمن أراد بهذا الشباب و البلد من المكر و الكيد و نهب خيراته .....في كل مرة أقول سوف أتطرق لهاذا الموضوع لكن الأن فاضت الكأس و تعمر الراس و لقيت إلا أن أشارككم إهتمامكم ....
شاركت في كل المسابقات التي تعتقدون أنكم قد شاركتم بها عملت المستحيل ...حتى من الأزمة المالية دمرتنا لكن مع الصبر أردت إلا أن أنقل لكم مايلي
جاوبوني على مايلي .....
ما معنـــــــــى إنسان جامعي مثقف إطار دولة .......
هل هو ذلك الغبي ......
هل الجامعة كونت الأغبياء و عديمي الضمير .....
هل ليس لع هقل يفكر به .....
هل أصبح محل إستهزاء من هب و دب حتى من الإطارات البغال أكرمكم الله ......
أجاوب بجواب هو أحيانا نعم و الأغلبية ب لا .....
يا خاوتي نهار أعلنوا عن سياسة الإدماج لحاملي الشهادات كان من المفترض واحد ما يتقدم لإنه صراحة من كي كان الشاب و الإطار الجزائري يطالب بحقه و منصب عمل محترم بحسب الشهادة أصبح في مناوشات و علاش هاداك يدي 8000 و الأخر 10000 و الأخر 12000 شايفين كيف أصبحوا يتلاعبوا بمشاعر الأخرين ......شايفين كيفية تقزيم المطالب و يرجعونا حيوانات أكرمكم الله جوعوهم يتبعوكم .......
المشكل التاني ...لما تكون مسابقة مشبوهة أو رشوة أو أو أو ....وعلاش لي داو المناصب ما يوقفوش مع لي ماداوش المناصب من أجل التحقيق في الأمر ....
درك الأن سكان العاصمة قولولي برك ...روحو للمطار هواري بومدين و شوفو جماعة المعارف و الرشوة كي يجو من الجنوب يعني سوناطراك يجو يروحو كي تشوف بشرتهم و ظحكتهم تقول كانو في لندن ...وعلاش الدواب و البغال في سوناطراك تدي 20 مليون و القاريين يجرو من وراء 12000 دينار الصدقة تاعهم .....
إعترافات خطيرة من بعض ولاد الزوالية و الفاميلا لي دخلوا سوناطراك في وقت الغفلة ...قالك كاين لي ماعندوش البكالوريا و مزورين الشهادات لأنه جماعة حيدرة مكوفريين كلش ...و الباي مداير حالة .....
شكيب خليل قالك سوناطراك ليست للجميع ....و الفاهم يفهم .
وعلاش حقوقنا مخليينها و ناكلو و نعسوا في بعدانا برك ......
كاينة فئة هي جماعة العقول الفارغة لي قربو لونطريط و ماهمش حابين يخرجو و راهم يوجدو في ولادهم بنفس العقلية ....و كي تحكي معاه يقولك القانون جاوبتو و قتلو داب و حمار كما أنت و اش يعرف على القانون .
مارانا ولاد شهداء و لا مجاهدين و لا ولاد إرهاب و لا ولاد ضحايا الإرهاب إذن أحنا و سامحوني جابنا الواد ...و الفاهم يفهم .....
وعلاش كي يكون عندنا إثبات باه نوضعوا واحد في الحبس لأنه حكم رشوة و لا زور إمتحان باه وليد صاحبو يدخل يخدم نقولو أواه مسكين نطيرولو خبزتو ...مع العلم واحد كما هذا لازمو إعدام 2 مرات .....
ياناس يا زملاء يا خاوتي خليونا نولو لعقولنا و ما نخليو حتى بغل و لا حمار من الإطارات هادو يتلاعب بينا ......
بعض الخاوة يقولك جماعة البرلمان 30 مليون مقابل يرفع يدو فقط ....لكن خليونا نطرحو السؤال شكون لي راح يصح في وجهو و إنتخبو درك نلقاو 90 بالمئة شباب ......أحنا المثقفين ......
نقولكم شيء تصدقوني ...12000 دينار تزوجك و تشريلك دار و دير بيها عرس أيا قولولي ....و لا أو ينوب ربي ......
دولتنا مليحة و فيها من الرجال ولاد الفاميلا و راهي ما تقعدش كما هكدا لكن بشرط خليونا نوليو ما نطمعوش في 12000 و لا عقد ما قبل التشغيل و ريكلامي على حقك و ما تقبلش يجوعوك و يتحكموا فيك بالتيليكوموند .......
أيا في قداه أحنا ....مليون 2 ملاين متخرج أيا خدمو مصالح البريد أبعت 2 ملاين رسالة للمرادية لقصر الرئاسة قال يا رئيسنا شوف الإدارة واش دير من وراءك أنت تعدل و هما يفسدوا .....شوف الناس لي تشوه في سمعتك .....هادي مانديروهاش .....
علابالي القلوب معمرة لكن حتى متى قولولي .....و كلمة نورمال أي خلاتها علينا ...حاجة لي تقولها يقولك نورمال ...كلش نورمال يا ناس وين هو النورمال هذا .....
واحد والديه مكرهينلو حياتو في الدار يقول حاقريني لالا يا خويا و لالا يا أختي هادا ك الألم ...كي يشوفك الوالد و الوالدة هاكداك يتألمو ..غايضهم وليدهمم و بنتهم .....الوالدين خاطيين .....
البغال بالتوارق و 4*4 و العشية يجيك يقولك عمرلي شيك راح نجبد الدراهم ...الخبر ب 10 دينار ما يعرفش يدير les mots croisé و راس مال باباه 100 مليار .....
الجامعي عاد لي يجي يتمسخر بيه كاين لي هبل كاين لي طروش ...كاين لي طاح عليه السكوت تشوكا ....و خلي برك
ضابط شرطة ب 20 مليون
أستاذ ب 15 مليون
مساعد تربية ب 10 حتي 12 مليون ....
وعلاش يا الجزائر و علاش ......
واحد واضع الكلية للبيع وعلاش يا الجزائر .....
تقراو الجورنال الكل ربما فاتت عليكم حكاية فتاة في أمريكا رفعت دعوى ضد الجامعة تقول عوضولي 4 سنوات بطالة الديبلوم لي عطيتوني ما عجبش المؤسسات ....و عوضولها و كي تحكيها يقولك نورمال أي ماريكان ماش الجزائر .....مازلنا برك في نورمال ....ربي يهدينا
في الأخير نقولكم مايلي ......
عولو على ربي ...العبد ما يقدر يدير والو .....لي تحكمو عليه إثبات بالرشوة و لا تلاعب أرفعو بيه دعوى إلاهية و قضائية أحنا لي نقضي على الفساد مش الشرطة أحنا همزة الوصل يا ناس .....
و نختم قولي بما يلي .....بسم الله الرحمان الرحيم ....
**و من يتق الله يجعل له مخرجا و يرزقه من حيث لا يحتسب ...** صدق الله العظيم ...ما تخافوش راه يفرج ربي إن شاء الله ....

_________________



الرجوع الى أعلى الصفحة اذهب الى الأسفل
 
إلى كل الشباب الجزائري لكم مني مايلي .....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
علــوم و تقنيــات  :: القسم الثقافي :: هل تعلم ؟؟-
انتقل الى: